2009-09-11 19:44:02
Шинжлэх ухаан, эрдэм шинжилгээ, технологийн дэвшлийн ач тусыг үнэлж барахгүй их. Тиймээс ямар ч улс орон өөрийн эрдэмтэдтэй байж, өөрийн чадлаар судлагаа хийдэг. Хүнээ, байгаль орчноо, хоолойгоор давдаг гуравхан зүйл болох хоол, эм, хороо судладаг.
Аливааг үнэн зөв судлаж мэдэхэд хөрөнгө мөнгө, багаж төхөөрөмжөөс илүүтэйгээр олон талын бодит мэдээлэл, хамтын ажиллагаа, чадварлаг судлаач чухал.
Харин сайн судлаач гэгдэх гарцаагүй чухал болзолуудын нэг нь хэл. Хэлний л тусламжтайгаар мэдээлэл авч бусадтайгаа үр ашигтай хамтран ажиллана.
Эдүүгээ шинжлэх ухаанд англи хэлээр ярих бичих нь бараг хэвийн үзэгдэл болсон ч аль нэг хэлнээс хамаардаггүй хэвээр байгаа.
Нэг жишээ: Вена Их Сургуулийн Ургамал Судлалын Тэнхимийн номын санд орос хэлээр хэвлэсэн сэтгүүл үзэх хэрэг гарсаныг санадаг юм. Номын санч эмэгтэйд захиалгаа өгвөл "Tа андуураагүй биз? Энэ кирилл бичгээр бичсэн сэтгүүл штэ! Манай номийн санд ирээд 30 жил болоход нь захиалж авч байгаа анхны хүн нь та болж байна шүү!" гэж хэлсэн юм.
Үүнтэй адил орос, хятад, хинди тэр бүү хэл япон болон франц хэл дээр өгүүлсэн маш олон судлагааны үр дүнгүүд эдгээр хэлийг мэддэггүй судлаачдад тоогдолгүй өнгөрч, сонирхолтой ажиглалт дүгнэлт, шинэ санаа, инноваци орхигдож байгаа бол?
Өөрөөр хэлбэл хэвлэлийн тойм, судлагдсан байдал, тухайн чиглэлийн судлагааны өнөөгийн түвшинг тодорхойлоход зөвхөн англи хэлээр гардаг эсвэл мэргэжлийн сэтгүүлүүдийг унших хангалтгүй болжээ. Tиймээс мэргэжилтэнүүд нэг биш нэлээд хэдэн гадаад хэлийг шамдан суралцах болсоор их удаж байна. Тэр тусмаа математикчид латин франц, химич, эм зүйч нар герман, эдийн засагчид англи хэлийг харин нийгмийн ухааны судлаач нар итали хэлийг гүнзгийрүүлэн сурдаг жишиг бий.
Нөгөө талаас мэргэжлийн (тэр тусмаа шинжлэх ухааны) үг хэллэгийг оновчтой хэрэглэж сурах, зөв ойлгож сурах нь олон хэлээр уншиж ярьдаг байхаас чухал. Ихээхэн цаг хугацаа хөрөнгө хүч зарж хийсэн ажлын үр дүнгээ гадаад хэлээр (тэр тусмаа хамгийн төвөгтэй шинжлэх ухааны хэлээр) цөөн оновчтэй үгэнд багтааж тодорхой ойлгомжтой илэрхийлнэ гэдэг TOEFL шалгалтанд 3-4 хариултаас таарахыг нь олж бөглөхөөс, хэлний курсуудын гоё сертификатууд цуглуулахаас өөр.
Тиймээс эхлээд англи хэлийг сайн сур, ядаж broken english-(биш ээ, international english)-тэй болчих!
Tүү тий тү түү түү!
Нийтэлсэн: biochemiker, Нээгдсэн: 1145, Жоорло
Сэтгэгдэлүүд:
Dusliig huraaval DALAI.
Зөвхөн монгол хэлээрээ ярьдаг бичдэг уншдаг төрийн сайд байна ш дээ жишээлбэл.Тэднийг яахуу??
нэг балай юм асуучих уу,,, өргөх юм дутаад байгуул мээмээ өргөж болдог бол уу,,, ккк
paper hevluuldeg humuus ugaasaa ooriinhoo chigleliin research language daa sain bh l heregtei l dee, manai blog chidoos harin hed ni paper hevluuleh geed research hiigeed suuj baigaa bol keke, zugeer gadagshaa dotogshoo ochood haaltgui cholootei oilgotsdog bolchihiin tuld angli helee surtsgaayaa gevel yamarav