Monday, February 6, 2012

Таньдаг герман






2009-05-25 01:42:11
Олон үндэстний хувьд ажил, мэргэжил, боловсрол, сонирхолын хүрээнээсээ шалтгаалан эдэлж хэрэглэх, аашилж аяглах нь өөр, болж өгвөл downsizing хийхгүй ээ гэдэг нь нийтлэг.
Энэ тал дээрээ германчууд их сонин... Нөгөө л цаг барьдаг, дүрэм журмыг ягштал биелүүлдэг энэ тэрийг дахиж хэлэх гэсэнгүй. Хэн ч байсан юмыг хэдээр авсанаа биш хэр хямд авсанаа л гайхуулна. Хэн ч байсан Volkswagen Golf тэргээ дуртайяа унана...

VW Golf бол дэлхийн автомашины үйлдвэрлэлийн хамгийн амжилттай төслүүдийн нэг. Тэртээ 1974 онд анхны VW Golf Typ17 загвар худалдаанд гарч 9 жилийн дотор 7 сая илүү борлогдсоноос хойш 6 дахь үеийин загвар нь гарч нийт 20 сая ширхэг үйлдвэрлэгдсэн гэдэг (холбооы улсын статистик сонирхвоос шинээр худалдан авсан 4 автомашины нэг нь VW Golf байна).
1974 Volkswagen Golf Typ 17
Энэ яадаг ид шидтэй тэрэг юм бол? Энгийн боловч найдвартай ажиллагаатай, бөх бат, тохь тухтай, бензин түлшинд хэмнэлттэй, хямд, аюулгүй байдал, жолоодлого сайн. Зүгээр л сайн автомашин, яг танил герман шиг.
VW Golf дотроо их олон янз. Хамгийн сонирхолтой нь GTI, R32 аль нь ч биш харин 1.4 TSI (turbo spark injection)! Ердөө 1390см3 эзэлхүүнтэй хөдөлгүүрээс 122 морьны хүч гаргах мөртлөө 100км зам туулахад хамгийн багадаа 4.8л бензин зарцуулна гэдэг сайн, маш сайн! Хотын хөдөлгөөнд 6 дугаар араатай явсан ч болно, бас сайн.
Driver's car биш боловч гэрлэн дохионоос хөдлөх, улмаар хурд авах, эрчтэй спорт жолоодоход мэдээжSubaru мэтийг гүйцэхгүй боловч өөрийн ангилалдаа бүү хэл бусад Golf-уудаа ч дагуулахгүй жигтэйхэн хөнгөн хөлтэй. Энэ бүхний нууц нь 1.4-тэй бяцхан хөдөлгүүрт турбо (GT загварт kompressor буюуsupercharger хамт) угсарсаных.
Volkswagen Turbo Spark Injection engine, 1.4cc, 122hp, 200nm
Гүйцэтгэлыг харах юм бол хянах самбар, урд хэсэг тэгш хэмтэй хийгдсэний дээр бүх товч, унтраалгууд байх ёстой газраа яг олсон, элдэв заалт хэмжүүрүүд жолоочийн харааны түвшинд байрлах бөгөөд эмх цэгцтэй харагдана. Жижиг сажиг юм хийх татуурга, тавиур хангалттайгаас гадна шар айрагны бөглөө онгойлгогч хүртэл бий, герман! герман!
Ганц муу тал нь салонд хэрэглэсэн хуванцарууд нь тэмтрэх хүрэхэд таатай зөөлөн бүрээстэй боловч элэгдэж арилах гээд байдаг гэм бий. Харин зай талбайн хувьд хангалттайгаас гадна арын суудал зайтай гэж жигтэйхэн, яаж болгосон юм бол... Сандлаа буулгаад 100 айлаас баахан юм зөөхөд асуудал огт байхгүй шүү!
Ер нь гол төлөв ганцаараа эсвэл хоюул явах болсон тул овор хэмжээ том, арчилгаа зардал ихтэй "хэцүү нэртүүд"-ээ хэрэгтэй үед нь унаад энэ мэт биеээр жижиг ч бэлчээр том автомашины хэрэглээг дэмжих цаг нэгэнт болсон санагддаг.
Хүн сэтгэл хангалуун сайхан амьдрахад их юм хэрэггүй. Бүх юманд ингэж "жор нь таарсан" downsizingхийдэг бол гоё оо! Golf унах күүл штэ!
Нийтэлсэн: biochemiker, Нээгдсэн: 1306, Жоорло

Сэтгэгдэлүүд:

1. Unshigch (зочин) | 2009-05-25 02:25:27
naad mashiniihaa talaar uneheer goyo heljee, german heltei buh gazar nutagt naad tereg chin (1974 Volkswagen Golf Typ 17) odoo hurtel saihan davhiad l baih yumaa, uneheer german technik uur shuu! chanar chanar chanar!!!
2. apabst | 2009-05-25 02:34:44
Тийм шүү гольф улам л гоё болоод лаг лаг моделууд гаргаад л ... бараг Пассатаас дутахгүй болж байна ш тээ. гэхдээ үнэ нь арай л дээндүү... тэгээд хулгайд их өртдгийн хэмжээгээр даатгал өндөр ... тэрнээс ч гоё шүү...
3. Saihan (зочин) | 2009-05-25 09:49:59
Saihan niitlel bichsen baina. Bayarallaa.
Unaj uzeh bolomj garval haritsuulj uzeh yumsan...
4. Orgil | 2009-05-25 10:51:39
german yum ch oor do tomriin tald bol nomer 1..
5. ВАФЛЬ | 2009-05-25 11:08:15
хэхэ, хоббидчихсон уу.
6. *САЙХАН САНАА* | 2009-05-25 18:05:00
аавд минь герман цэргийн н гутал гээд л нэг хар ботинк байдагсан.. бараг 10 жил өмссөн байхаа. тослоол шинэ.. тэр санаанд орж байна ооо..


хямд гэнэ үү.. хэд байх уу..
7. Ordi | 2009-05-25 23:24:07
Герман машин ч чанартай байхаа. Би ч хондагаа л унаж байна даа дараагийн машин харин юу байх талаар бодож байгаа сүүлийн үед Dodge charger бас их таалагдаад байгаа. Ингэхэд суперчаржер, турбо энтэрийн талаар сайн тайлбарлаж өгч болох уу?
8. erhtsas | 2009-05-25 23:29:45
Волксвагены сүүлийн үеийн загварын жийп их гоё юм байна лээ, бас л харц булаасан шүү. Гэхдээ надад сүүлийн үед ихээр таалагдаад байгаа нэг машин байна аа. Тоёотагын Фортуна гэдэг жийп, ёоо би тэгэж, дотор гадаргүй шинжитлээ машинд дурлаж байгаагүйм. Анх хараад л энэ миний машин гээд дуу алдчихсан шүү.


Бичлэгт нэг их хамааралгүй сэтгэгдэл үлдээсэн уучлаарай.
9. ТУС | 2009-05-25 23:36:37
ordinary, germand iim yaria baidag yum, VW ajilladag humuus audi unadag gej.


VW geer yahav oor yum una.


german mashiniig guizeh yum gehdee odoogoor alga daa.
10. ТУС | 2009-05-25 23:38:40
aay chi wolfsburg orj uzev uu? buh hotooroo shahuu VW unadag naasan, gui ee tegeed argagui yum VW uildver baidag yum chine.
11. Boldoo (зочин) | 2009-05-30 03:07:18
Hi, mashinii tukhai goyo review bichsend tun ikh talarkhaj baina, daraagiinkhiig n khurdan bicheeree
12. biochemiker | 2009-06-03 05:11:45
VW Golf 1.4 17050 euro
VW Golf 1.4 TSI 19725 euro
VW Golf 1.9 TDI 20700 euro
VW Golf 1.9 TDI BlueMotion 21375 euro
VW Golf 2.0 GTI 23600 euro-oos эхлэнэ. Үүн дээр хэрэглэгчийн сонирхсон нэмэлт тоноглолууд, давхар хурдны хайрцаг гм үнэ ороогүй. Гэвч энэ үнэ нь дилерүүд дээр янз бүр байх нь элбэг...
Хамгийн гол нь 1 км бүрийг боломжтой бүх зарлага, үнийн алдагдал, даатгал, элэгдэл хорогдолоо тооцоод ямар үнээр туулж байгааг тооцох нь чухал.. Энэ талд дээр нь VW Golf 1км замыг 0.46-0.51 центээр туулдаг учраас хямд гэлээ...
13. amanjinka | 2009-06-03 05:31:41
ТЭР ГРОСС ГОЛЬФ ЁСТОЙ ГОЁ БОЛЖЭЭЭ ТЭЭ ХӨ
14. Namara | 2009-06-08 19:58:13
Гоё шүү
15. sweetcat | 2009-06-08 20:06:40
sainuu biochemiker
VW голф-ыг үнээ хамгийн удаан хадгалж чаддаг машинуудын нэг гэж сонсож байсан юм байна
16. biochemiker | 2009-06-08 20:23:20
Яг 1 жилийн өмнө шинээр худалдаж авсан VW Golf 9900-13800 € хооронд байна...
Загвар, нэмэлт тоноглол болон хэрэглэсэн байдлаасаа хамаарч үнэ нь 25-50% унасан гэсэн үг...
17. sweetcat | 2009-06-08 20:31:52
aha bas heden km yawsan ed naraas bolno bh, harin yapon teregnuudiin une jiliin daraa naws unechihdagiin bnalee tiimuu
18. biochemiker | 2009-06-08 20:43:34
Америк, солонгос автомашинуудыг бүүр мартаад, япон тэрэгнүүдийг (гэхдээ дотоодын зах зээлдээ гаргадаг хувилбаруудыг тооцохгүйгээр) сайтар ажиглах юм бол "нэг удаагын шприц" шиг л болчихсон харагддаг.
Өмнөх загварт эрэг боолтоор бэхэлсэн зүйл нь хуванцар тээглүүр (клипс)-ээр тогтоочихсон байх жишээтэй...
19. sweetcat | 2009-06-08 21:01:35
аан харин тийн тэр шинэ гарсан 4 хаалгатай поршэ панарома-гийн доторх бүгд клипсээр тогтоосон юм байналээшд би нэг рэпортааж үзсийн, үнэн гоё машаан байналээ тэр
20. biochemiker | 2009-06-24 06:07:18
Porsche Panamera yu?
21. from Sweden (зочин) | 2009-07-02 05:49:14
Шведэд Volvo-гаа их дуртай унадагтай адил юм...
22. E.Amar (зочин) | 2009-07-31 05:55:24
Sain baina uu ? Gaigui analiz hiigeed ogchih Germanii kompani baina uu ? E.Amar.
23. biochemiker | 2009-08-01 03:25:45
ямар анализ?Хими? Биологи? Микробиолог? Молекул биолог? Ургамал? Бичил биетэн? Амьтан? Эрдэс? Органик дээж?
24. E.Amar (зочин) | 2009-08-03 18:06:12
Sain baina uu ? Eronhiidoo chemistry analysis hiilgeh sanaatai baina. Hyanaltiin shinjilgee yum. Hondlongiin baiguullagaar hiilgeh shaardlaga baina. Bid end ch gesen sudalj baina. University ch baij bolno. Minii ID amarorhon@yahoo.com
25. VperV (зочин) | 2009-08-06 05:40:12
Ээмэгтэй бас настай юм байж машины тухай бичлэг оруулах юмсан гээл боддог юм. Аниа нь ноднин хавар аваарьт ороод нэг сайхан Воолво будаа.Дараа нь ауди авсан чинь хамаагүй тохитой бас зөөлөн юм.Машины тухай нэг ийм л хэмжээнд бичих шивдээ.хэхэ.Монголд автомат прообтой жаран ёс гэж байх уу? Үнэнээсээ асууж байна шүү.Зүгээр гараараа л тооромсоглоол залуурдаад явчих гэх юмуудаа?
26. Zochin (зочин) | 2009-08-07 07:32:17
Ene chini bas ovoo unetei tereg baina shuu! LUXURY used SUV-nees unetei yum geech. USA-s bol yor ni dajgui japan SUV-ig 14000-25000 shilj baigaad avna. Sedan bol buur hyamd baihaa. Gehdee neg iimerhuu hemjeetei baga iddeg neg tegeed hyamd yumtai bolchih yumsan. Bi Japanii chanar zagvart bol bas durtai. Sain shdee. JApan-aas bol buur hyamd mashin avdag baihdaa. MAnai Zamiin Tsagdaa buruu zoruu-iin hatuu durem gargachihgui bol!!
27. Karzai (зочин) | 2009-08-07 18:36:44
UAZ 469, 1972 onoos hoish uildverlegdeed gaduur yavaad l bain sht. Bodvol Gol'foos dutahgui chanartai bolood odoo hurtel yavj baigaa baih. Gol'fiig unaj uzeegui bolhooroo sain muu gedgiin medehgui yum harin 469 iig bol unaj uzsen.
VperV-d: Avtomat koroptoi 469 baidgui yum bain le, nadad lav taaraldaj baigaagui.
28. gorzook | 2009-10-06 16:57:25
Гольф ч гоё л доо гэхдээ Ауди-г яаж гүйцэхэв. Хэхэх.
29. biochemiker | 2010-02-18 05:41:53
Турбо гэж юуг хэлдэгийг техникийн хэлээр тайлбарлавал дотоод шаталтын хөдөлгүүрийн зарчимыг тайлбарлахаас их цаг гарна. Маш бүдүүлгээр хэлбэл нэг хүчтэй сэнсээр ажлын холимогийг арай өөр найрлагатайгаар илүү их даралттайгаар шахаж өгч байна л гэсэн үг. Моторын эргэлтээр байнга үлээгээд байна гэсэн үг. Гаргаж байгаа энерги тэр хэмжээгээр ихэснэ. Турбо компрессортой мотор үйлдвэрээсээ ажиллах программ, шахалтын зэрэг, түлшний систем, свеча, тосолгооны эргэлтийн зам гээд бүх юм нь өөр. Дизель бензин моторт аль альд нь турбин байж болно. Бензин моторт байгаа бол ихэнхдээ спорт загвар. Энэ тохиолдолд тэр хэмжээний багтаамжтай энгийн мотороос чадал нь бараг 2 дахин нэмэгдэнэ. Жишээ нь: Subaru Impreza WRX, Mitsubishi Lancer Evo г.м. Давуу тал нь моторын багтаамжийг нэмэхгүйгээр чадлыг өсгөж байна л гэсэн үг, ихэнхдээ тодорхой хурдтай эргэлтийн хэмжээнд хүрэхээрээ турбин ажиллаж эхэлдэг, тэгэхээр бага хаазтай явбал энгийн мотор л гэсэн үг. Миний бодлоор бол бензин турбо монголд тохиромжгүй. Яагаад гэхээр зөвхөн бүрэн синтетик масло, үнэтэй платинум свеч, хамгийн гол нь 98 түүнээс дээш октантай бензин хэрэглэхийг үйлдвэрлэгч нь зөвлөдөг. Тэгээд ч тэр хурдыг гаргах зам монголд байхгүй...
30. delgeen | 2010-02-18 05:46:37
germany xromon gutal ch oyutan baixad damlaj zaraxad saixan baisan shvv xi xi xi
Posted by at

No comments:

Post a Comment

Subscribe to: Post Comments (Atom)